Tempos Dixital | POLÍTICA

POLÍTICA

ENTREVISTA JAVIER PÉREZ ROYO

Cataluña, no epicentro da entrevista. A cuestión catalá, a estas alturas, xa é moi difícil que se poida resolver sen a convocatoria dun referendo, conclúe o catedrático de Dereito Constitucional da Universidade de Sevilla, Javier Pérez Royo, quen culpa o Goberno español de querer o nacionalismo, como Franco ao Exército da República, “cativo e desarmado”. Na entrevista que lle concedeu a Tempos Novos, afirma así mesmo que o delito de rebelión que se lles imputa aos membros do Govern é imaxinario, e que o PSOE fixo unha metedura de pata brutal aceptando sen garantías a aplicación do 155 da Constitución. É moi duro contra Llarena, o maxistrado instrutor, en cuxos autos denegatorios de liberdade, ou de autorización para que o activista Jordi Sánchez puidese ser investido novo President da Generalitat, ve unha carencia absoluta de fundamentos legais. Xustificando en razón diso a querela presentada polo Parlament contra ese xuíz do Supremo.

Ler máis

Entrevista: José Antonio Pérez Tapias

Verso solto no PSOE, ma non troppo, pois como candidato de Izquierda Socialista conseguiu no 2014 o 15% dos votos nun congreso extraordinario do partido tendo en fronte a Pedro Sánchez e a Eduardo Madina. José Antonio Pérez Tapias, nas antípodas de Susana Díaz, rexeita por “dogmática” a afirmación da “indisoluble unidade de España”. Na entrevista concedida a TEMPOS Novos, sostén que o Estado das Autonomías de 1978 está esgotado. Propón un proceso constituínte, retomar a idea de referendo legal para Catalunya e o impulso dun Estado plurinacional, con pleno recoñecemento das nacións do Estado, nomeadamente Catalunya, Euskadi e Galicia. “Necesitamos resolver a cuestión das nacións”, conclúe o díscolo e reflexivo militante socialista.

Ler máis

CATALUNYA, UN MES DE SUSPENSE

Xa non hai volta atrás. O proceso de desconexión de Catalunya avanza cara o 1 de outubro e o goberno de Madrid vixía por terra, mar e aire os movementos do independentismo para abortalo. Rotas todas as pontes entre a Generalitat e a Moncloa, nada pode evitar o choque de comboios. Cantos saian á rúa para darlle valor reivindicativo á Diada do vindeiro 11 de setembro, farano dispoñendo desde a víspera dunha lei de transitoriedade coa que canalizar a nova legalidade republicana no momento do desamarre, e coa convocatoria unilateral dun referéndum -»Quere que Catalunya sexa un Estado independente en forma de República?»- publicada no Diari Oficial da Generalitat. A estas alturas, é difícil predecir en que vai dar ese tour de force entre, por unha banda, quen tenta exercer o chamado dereito a decidir e quen, pola outra, tenta impedilo cunha combinación de ameazas, tribunais e forza policial. Moito menos doado é predecir a folla de ruta do día despois no probable caso de que, pese a todo, a cidadanía poidera finalmente depositar o seu voto nas urnas. Non houbo nestes últimos 40 anos ningún outro momento que revestise tanta tensión política.
(Avance do Informe publicado en TEMPOS NOVOS 244 de setembro de 2017)

Ler máis

As sete propostas de Donald Trump que explican a súa victoria

O éxito de Donald Trump (como o ‘Brexit’ no Reino Unido, ou a vitoria do ‘non’ en Colombia) significa primeiro unha nova estrepitosa derrota dos grandes medios dominantes, dos institutos de sondaxe e das enquisas de opinión. Pero significa tamén que toda a arquitectura mundial, establecida ao final da Segunda Guerra Mundial, vese agora trastornada e derrúbase. Os naipes da xeopolítica van barallar de novo. Outra partida empeza. Entramos nunha era nova cuxo trazo determinante é o ‘descoñecido’. Agora todo pode ocorrer.

Un artigo de Ignacio Ramonet

Ler máis

ENTREVISTA A CAMILO NOGUEIRA

Camilo Nogueira Román (Vigo, 1936) amósase partidario de procurar un acordo entre “as distintas variantes do nacionalismo democrático”, debrúzase na varanda política postelectoral para concluír que o problema de Galicia é que “está vista por un españolismo negador”. Reivindícase como defensor da idea de Europa, fala do seu traballo pioneiro como deputado de Esquerda Galega. Ao seu ver, goberna de novo o PP porque “aquí non se construíu unha alternativa nacional galega”, e porque a dispersión “fai que se perda toda a potencialidade”. O vindeiro 11 de novembro recibirá en Compostela unha homenaxe á que acudirán centos de persoas, un acto no que se quere recoñecer publicamente a dedicación de toda a súa vida á causa do País.
Reproducimos a entrevista publicada no número 233 (outubro 2016) da revista TEMPOS NOVOS.

Ler máis

Preparando as batallas decisivas

Pasados xa case dous meses da constitución dos novos concellos, están xa despexadas as incógnitas sobre os gobernos das comunidades autónomas. Os grandes cambios no mapa político urbano provocan consecuencias políticas de cara ás vindeiras eleicións xerais. É o momento de facer balance dos cambios no poder autonómico e municipal resultantes das eleccións do 24 de maio.

Ler máis

ENTREVISTA: Fernando González Laxe

En plena madurez profesional, aos 62 anos, empezando xa a coller o camiño de volta, o economista e expresidente da Xunta (1987-89), Fernando González Laxe, sostén que Galicia segue afectada en boa medida das mesmas doenzas que a finais dos anos oitenta. Sen unha imaxe de marca que lle permita conquistar mercados específicos, e cunhas políticas da Xunta que “nin xeran emprego nin aumentan o valor engadido dos nosos produtos”, o país galego navegaría en augas procelosas sen rumbo, afastada desa tímida recuperación, que aínda non chega aos cidadáns, pero que reflicten os indicadores económicos. Recoñece que o seu partido, o PSOE, ten quedado “un pouco atrás”, que foi superado pola sociedade, e que lles corresponde ás novas xeracións impulsar unha saída. Advirte en todo caso que a nova dirección ten que contar cos históricos. Avanzamos un extracto da entrevista publicada no número de marzo da revista TEMPOS NOVOS.

Ler máis

Podemos: entre a esperanza e a sospeita

Por Justo Beramendi
Como anunciei no meu artigo do mes pasado, hoxe vou centrarme no fenómeno Podemos, obxecto predilecto dende maio de faladoiros, análises, enquisas, declaracións, apoios e rexeitamentos. E non é para menos. En seis meses conseguiron atraer un cuarto de millón de “inscritos” da máis variada idade e orixe socioprofesional, ter presenza en todo o territorio do Estado, meter o medo no corpo dos grandes partidos, que ven en serio perigo o seu dominio compartido de sempre, e poñer patas arriba toda a esquerda, sexa moderada, radical ou mediopensionista.

No rebumbio de valoracións e ideas contrapostas que padecemos só hai acordo nunha cousa: Podemos é consecuencia directa tanto do altísimo prezo que a crise e as políticas de axuste lles fixeron pagar ás clases populares e a boa parte das clases medias en perda de renda, de empregos

Ler máis

Cara de cemento

O cemento obtense da mestura de cal, sílices, aluminio e óxido de ferro, aos que en ocasións se lles engaden outros materiais, como a bauxita ou a area fina. O resultado é un po que ao ser mesturado coa auga se converte nunha pasta gris, pegañenta e maleábel que ao secar se volve dura e resistente coma unha pedra. Deste conglomerado final, feo e impenetrábel, é de onde vén a imaxe “ter unha cara de cemento”. Se o complementamos con pedregullo e ferralla obteriamos o formigón armado. Teriamos entón unha cara coma o formigón armado. Esa é a cara de Alberto Núñez Feijóo.

O cemento non é un material nobre, pero é rendíbel. En termos de dureza e inflexibilidade a cara de cemento é o estadio superior á “cara de pau”, e permítelle a quen a ten afirmar que a noite é día ou que o lume non queima sen pestanexar e sen que lle tire un tendón facial. Se un gobernante quere lucila sen que lle chamen feo e insensíbel non pode facelo en…

Ler máis

A corrupción ten raíces fondas

Despois de «A corrupción ten raíces fondas», de Marcos S. Pena, publicamos agora o segundo dos dous artigos publicados na revista TEMPOS NOVOS de novembro de 2009, a pouco de se destapar o caso Gürtel, que colocou contra as cordas ao PP evidenciando as estreitas relacións entre poder e corrupción política. Saltaron daquela unhas alarmas que cada día soan con forza renovada. E xa daquela sabiamos que a corrupción viña de lonxe, dunha política moi devaluada e dos descubertos legais que daban vara ancha a partidos e concellos para financiarse en negro.

Gurtel é a palabra do ano. Outra volta corrupción e política aparecen ligados nos medios de comunicación e nas conversas diarias dos cidadáns, aumentando o desprestixio dos poderes públicos e dos partidos. Desta vez é o Partido Popular o que sae peor parado, mais o Gurtel e as súas infinitas pólas non son o único caso: en Catalunya Félix Millet leva semanas enchendo portadas, que agora ocupan tamén as recentes detencións de políticos de PSC e CiU acusados de adxudicacións ilegais en Santa Coloma. E en Galicia, por exemplo, o alcalde socialista de Castro de Rei foi acusado hai unhas semanas de prevaricación e tráfico de influencias.

por Marcos S. Pena

O crecemento urbanístico sen control e a especulación que se fixeron donos do Estado español na última década foron o escenario no que agromou unha cultura de enriquecemento rápido e de laxitude na aplicación das normas. Só agora comezamos a observar

Ler máis
Algúns dereitos reservados - Tempos Dixital 2011