Publicado por: tdadministracion

Furia destrutiva e desidia política

Un mes despois dos lumes que arrasaron Galicia facémonos varias preguntas co obxectivo de acadar respostas. Ollamos cara o veciño Portugal, que vén de sufrir tráxicos incendios, da man do experto Edelmiro López Iglesias e a análise de Xabobe Feijoo Lamas, responsable de desenvolvemento rural do sindicato Unións Agrarias. Pero tamén indagamos noutras políticas forestais, como a vasca, coa axuda de Carlos Uriagereka, xefe do Servizo de Montes na Deputación foral de Bizkaia. Unha análise de varias páxinas para entender as circunstancias do que aquí ocorreu e albiscar se cadra as solucións aos que foron algúns dos días máis negros de Galicia. Podédela atopar no número de Tempos Novos deste mes de novembro, que xa está nos quioscos.

Ler máis

Arma de dobre fío

O tantas veces temido choque de comboios –coa DUI proclamada no Parlament…

Ler máis

SUMARIO TEMPOS NOVOS

No noso número de novembro seguimos co análise da realidade catalana e española da man de Manuel M. Barreiro, Justo Beramendi e Luís Álvarez Pousa, sen descoidar outras realidades, como a dos incendios en Galicia, a través do contraste entre as políticas que se desenvolven no noso país (de extinción) e Euskadi (de prevención) e a entrevista ao profesor da USC Edelmiro Lopez Iglesias, integrante da comisión que elaborou o informe sobre os lumes para a Asamblea da República portuguesa.
Falamos tamén das luces e sombras da economía alemá e dos cen anos da Revolución de Outubro; Pilar García Negro reflexiona con nós sobre idioma e política mentras que Víctor Sampedro, María Yañéz e Fernando Blanco xogan ao noso Tres en Raia, nesta ocasión dedicado a liberdade de expresión nas Redes.
E, por suposto, os noso habituais do Todo é Peixe e as seccións de Cultura (pendentes, entre outras cousas, do MARCO de Vigo) e a literaria Protexta.

Ler máis

FALLADO O I PREMIO DE XORNALISMO MANUEL LUEIRO REY

O xurado do I Premio de Xornalismo Manuel Lueiro Rey decidiu premiar o artigo “O segredo mellor gardado”, do escritor e profesor de ensino medio Xoán Carlos Domínguez Alberte.

O xurado considera que o artigo evoca a escrita xornalística reivindicativa, comprometida e de contido social de Manuel Lueiro Rey. Ademais, o tema de recuperación da memoria histórica que centra o texto constitúe un dos elementos fundamentais na traxectoria vital e xornalística do escritor nacido en Fornelos de Montes.

Ler máis

Nova etapa d´A TRABE DE OURO

No primeiro trimestre de 1990 saía á luz o primeiro número desta nova “revista de pensamento crítico” so un lema da autoría do Álvaro Cunqueiro anterior á Guerra Civil que rezaba, e para nós segue a rezar así: “Estamos abertos a todos e a todo; tentaremos que nada da nosa Terra e Tempo nos sexa alleo”. Iníciase agora unha nova etapa baixo o paraugas de Atlántica de Información e Comunicación de Galicia, S.A., editora da revista mensual TEMPOS Novos, na que seguirán acompañándonos os amigos e colaboradores de aquí e do exterior e tamén os lectores e lectoras que consideramos o noso mellor tesouro posto que sempre nos acolleron con atención teima crítica e animadora.

Ler máis

A media hasta

Os atentados das Ramblas e Cambrils crisparon sentimentos e revolveron conciencias….

Ler máis

CATALUNYA, UN MES DE SUSPENSE

Xa non hai volta atrás. O proceso de desconexión de Catalunya avanza cara o 1 de outubro e o goberno de Madrid vixía por terra, mar e aire os movementos do independentismo para abortalo. Rotas todas as pontes entre a Generalitat e a Moncloa, nada pode evitar o choque de comboios. Cantos saian á rúa para darlle valor reivindicativo á Diada do vindeiro 11 de setembro, farano dispoñendo desde a víspera dunha lei de transitoriedade coa que canalizar a nova legalidade republicana no momento do desamarre, e coa convocatoria unilateral dun referéndum -»Quere que Catalunya sexa un Estado independente en forma de República?»- publicada no Diari Oficial da Generalitat. A estas alturas, é difícil predecir en que vai dar ese tour de force entre, por unha banda, quen tenta exercer o chamado dereito a decidir e quen, pola outra, tenta impedilo cunha combinación de ameazas, tribunais e forza policial. Moito menos doado é predecir a folla de ruta do día despois no probable caso de que, pese a todo, a cidadanía poidera finalmente depositar o seu voto nas urnas. Non houbo nestes últimos 40 anos ningún outro momento que revestise tanta tensión política.
(Avance do Informe publicado en TEMPOS NOVOS 244 de setembro de 2017)

Ler máis

A ADEGA TERRA DE ASOREI RECIBE O SELO GALICIA CALIDADE

Coa incorporación de Terra de Asorei, xa son 96 as firmas certificadas con esta marca das que 14 son adegas das cinco denominacións de orixe de Galicia. Máis de 350 produtos lucen o selo nas súas etiquetas.
No acto de entrega, o conselleiro de Economía, Emprego e Industria, Francisco Conde, apostou por unha industria galego do viño que combine a calidade coa tradición e a innovación para seguir medrando.

Ler máis

INCHAZÓN

O xurado do XIII Premio a artigos xornalísticos normalizadores decidiu concederlle o premio ao artigo titulado «Inchazón», de Iria Veiga Ramos, valorando «a súa sinxeleza, concisión e capacidade de incidencia no público a través dun texto con estrutura circular que pon de relevo a relación entre lingua e poder social. A través dunha experiencia concreta dunha médica visibilízanse prexuízos sobre a lingua e a necesidade de superalos. Desde o xurado considérase que o artigo pode incidir positivamente no prestixio social do idioma, nomeadamente na sanidade, mais tamén, en xeral, en todos os ámbitos e sectores de prestixio».
Reproducimos de seguido o artigo gañador.

Ler máis

Un día do galego para os medios en español

A Asociación de Medios en Galego lamenta a discriminación da Xunta sobre os medios escritos na lingua do país con respecto aos que o fan en español, e reclama o cumprimento do artigo 19 da Lei de Normalización Lingüística cando marca que «o goberno galego prestará apoio económico e material aos medios de comunicación (…) que empreguen o galego dun xeito habitual e progresivo».

Ler máis
Algúns dereitos reservados - Tempos Dixital 2011