ENTREVISTA JAVIER PÉREZ ROYO

Cataluña, no epicentro da entrevista. A cuestión catalá, a estas alturas, xa é moi difícil que se poida resolver sen a convocatoria dun referendo, conclúe o catedrático de Dereito Constitucional da Universidade de Sevilla, Javier Pérez Royo, quen culpa o Goberno español de querer o nacionalismo, como Franco ao Exército da República, “cativo e desarmado”. Na entrevista que lle concedeu a Tempos Novos, afirma así mesmo que o delito de rebelión que se lles imputa aos membros do Govern é imaxinario, e que o PSOE fixo unha metedura de pata brutal aceptando sen garantías a aplicación do 155 da Constitución. É moi duro contra Llarena, o maxistrado instrutor, en cuxos autos denegatorios de liberdade, ou de autorización para que o activista Jordi Sánchez puidese ser investido novo President da Generalitat, ve unha carencia absoluta de fundamentos legais. Xustificando en razón diso a querela presentada polo Parlament contra ese xuíz do Supremo.

Ler máis

Pés de barro

O panorama non deixa lugar a dúbidas. No brutal salto que está a dar o Estado de Dereito cara ao Estado penal, reaparece o franquismo baixo todo tipo de roupaxes. Enmascaradores uns –moitas das togas e non poucos uniformes. Empoderados e militarizados os outros –españoleando nas feiras de abril ou desafiando con acenos fascistas aproveitando a máis violenta das marchas procesionais. Todo vale contra calquera signo de disidencia. Non só para descabezar e eliminar independentistas en Catalunya, cos axustes finos que a Fiscalía borda e o xuíz Llarena recrea nos seus alambicados autos. Tamén para poñer as liberdades de expresión, información, creación e manifestación aos pés dos cabalos...

Ler máis

SUMARIO TEMPOS NOVOS

Nun documentado informe que ocupa 14 páxinas deste número de xuño, TN repasa e analiza as decisións gobernamentais que empobreceron, estrutural e funcionalmente, os medios públicos estatais. Rajoy someteunos a partir do 2011 aos seus intereses e aos do PP (convertindo TVE na súa máquina branqueadora de corupcións e tomas de decisión autoritarias), a etapa máis negra pola práctica sistemática de manipulacións e censuras. Porén, malia telos desgobernamentalizado coa lei do 2006 (ata que chegou Rajoy e mandou parar), foi Zapatero o que puxo a eses medios a dieta (prohibiulles contratar publicidade, para contentar ás televisións privadas, non podendo seguir sendo tan competitivos) . E tanto ZP como Rajoy afortalaron o duopolio televisivo que representan Mediaset e Atresmedia, sempre en perxuizo dos medios públicos (os estatais e os autonómicos) ao permitirlles que controlen máis do 60% da audiencia española e máis do 80% da publicidade.

Ler máis

Carlos Lixó gaña o Premio a Artigos Xornalísticos Normalizadores do Concello de Carballo

O xurado da décimo cuarta edición do premio a artigos xornalísticos normalizadores reuniuse o pasado 15 de maio para decidir o artigo gañador do certame, ao que se presentaron 53 traballos, e decidiu outorgarlle esta distinción ao artigo Alpabardas verdes, do autor ribeirense Carlos Lixó Gómez . O premio consta de 1.250 euros e a publicación do artigo no Diario de Bergantiños, El Correo Gallego, Galicia Confidencial, La Opinión de A Coruña, La Voz de Galicia, Praza Pública, Que pasa na Costa, Sermos Galiza e Tempos Novos .

Segundo indicou o xurado na acta, valorouse a «calidade narrativa e lingüística» de Alpabardas Verdes, así como a súa «capacidade de incidencia no público» e «o ben que liga o particular co tema xeral que quere transmitir…»

Ler máis

Convocado o Premio de Xornalismo Manuel Lueiro Rey

Co obxectivo de honrar a figura do seu ilustre escritor e contribuír á promoción xornalística en galego, o Concello de Fornelos de Montes vén de convocar a II edición do PREMIO DE XORNALISMO MANUEL LUEIRO REY.
Poderán concorrer ao certame autores que presenten artigos inéditos escritos en galego. Deberán estar redactados nun estilo xornalístico de carácter divulgativo e/ou de opinión no ámbito da denuncia social e deberán ter unha extensión de entre 2.500 e 3.000 caracteres.
O veredicto será dado a coñecer na segunda quincena de setembro de 2018. O prazo de presentación remata o día 30 de xuño de 2018.

Ler máis

Entrevista: María Xosé Queizán

Se fose preciso argumentar que hai unha discriminación patente contra as mulleres, chegaría con percorrer a biografía dunha das máis grandes que ten dado Galiza, María Xosé Queizán: novelista, ensaísta, profesora, lingüista, poeta, dramaturga, articulista, actriz, editora, conferenciante… A súa obra publicada é inxente.
Este é un extracto da entrevista publicada no número 250, de marzo do 2018, da revista TEMPOS NOVOS.

Ler máis

TODOS OS GRUPOS DA CÁMARA APOIAN OS MEDIOS EN GALEGO

Todos os grupos políticos da Cámara galega apoiaron este mércores a importancia que teñen hoxe en día os medios en galego polo seu compromiso «coa realidade e orgullo polo propio» iniciado no Rexurdimento. Foi grazas a unha declaración institución a favor da celebración do 7 de febreiro como o Día dos Medios en Galego. Unha data que lembra a saída á rúa do primeiro número de O Tío Marcos d’a Portela, hai 142 anos en Ourense.

Ler máis

HOMENAXEAN AO TÍO MARCOS DA PORTELA

Cunha homenaxe á publicación “O Tío Marcos da Portela”, nacida en febreiro de 1876, celebraráse o “Día dos Medios en Galego”. A histórica publicación foi a primeira escrita integramente en galego. Subtitulada “Parrafeos co pobo galego” e impulsada por Valentín Lamas Carvajal, conseguiu un notable éxito, chegando a vender 4.000 exemplares nunha comunidade que daquela contaba con altos niveis de analfabetismo.

Ler máis

Pés de barro

O panorama non deixa lugar a dúbidas. No brutal salto que está a dar o Estado de Dereito cara ao Estado penal, reaparece o franquismo baixo todo…

Ler máis

Xustiza, non vinganza

A pregunta que se fai en voz alta Joan J. Queralt, un dos penalistas máis prestixiados, pon os pelos de punta: Deixouse o problema da relación Catalunya/España…

Ler máis

Estratexia reaccionaria

A condena do rapeiro Valtonyc, o mesmo que os procesos seguidos con anterioridade contra os tamén músicos Pablo Hesel e La Insurgencia, contra os titiriteiros…

Ler máis

A fábula do lobo

As dereitas poñen o berro nos escenarios televisivos: tal como se puxeron as cousas, no 2030 será imposible que o Estado poida seguir pagando as pensións….

Ler máis
Algúns dereitos reservados - Tempos Dixital 2011