Entrevista: Michèle Matterlat

Nas facultades de Xornalismo dos anos setenta e oitenta falábase moito dos impactantes traballos de Armand Mattelart. Moito menos dos textos da súa compañeira, pero tamén. Michèle Mattelart publicou en 1977 A cultura da opresión feminina e, en 1982, Mulleres e industrias culturais, libro no que defende que os medios están condicionados histórica e socialmente, e que a súa función responde ás necesidades dun sistema de poder. Trinta e cinco anos despois, no marco do primeiro congreso internacional de comunicación organizado por investigadores galegos integrados en Agacom, advirte dos efectos sobresaturantes dos medios. Denuncia o ambiente “sexista”, e propón obviar o “presentismo” mediático coa lectura de ensaios e a práctica da reflexión. “Hai que evitar os medios que te poden saturar”, postula, e situarse “nos intersticios da globalización sen vendermos a alma”.
Este é un extracto da entrevista realizada por Luís Villamor para o número 249, do mes de febreiro de 2018, para a revista TEMPOS NOVOS

Ler máis

A fábula do lobo

As dereitas poñen o berro nos escenarios televisivos: tal como se puxeron as cousas, no 2030 será imposible que o Estado poida seguir pagando as pensións. E dan a alternativa para cando chegue ese fatídico día: que cada quen se amañe co seu seguro privado. Confesouno con inmisericorde brutalidade a deputada conservadora Celia Villalobos, que preside a comisión do Pacto de Toledo, nos narcotizantes Desayunos de TVE. Nada como meter o medo no corpo para que os nove millóns e medio de pensionistas actuais asuman a necesidade de revisar á baixa o modelo, e para que os que se xubilen despois garantan desde xa o negocio das aseguradoras. Que vén o lobo! É o berro co que poñen en vergonzante solfa o "non se pode"....

Ler máis

TODOS OS GRUPOS DA CÁMARA APOIAN OS MEDIOS EN GALEGO

Todos os grupos políticos da Cámara galega apoiaron este mércores a importancia que teñen hoxe en día os medios en galego polo seu compromiso «coa realidade e orgullo polo propio» iniciado no Rexurdimento. Foi grazas a unha declaración institución a favor da celebración do 7 de febreiro como o Día dos Medios en Galego. Unha data que lembra a saída á rúa do primeiro número de O Tío Marcos d’a Portela, hai 142 anos en Ourense.

Ler máis

HOMENAXEAN AO TÍO MARCOS DA PORTELA

Cunha homenaxe á publicación “O Tío Marcos da Portela”, nacida en febreiro de 1876, celebraráse o “Día dos Medios en Galego”. A histórica publicación foi a primeira escrita integramente en galego. Subtitulada “Parrafeos co pobo galego” e impulsada por Valentín Lamas Carvajal, conseguiu un notable éxito, chegando a vender 4.000 exemplares nunha comunidade que daquela contaba con altos niveis de analfabetismo.

Ler máis

Fallado o VI Premio Manuel Lueiro Rey de poesía

O xurado do VI Premio Manuel Lueiro Rey de Poesía decidiu outorgar o premio ao poemario presentado baixo o título Corpo, de Antón Lopo, texto que se impuxo aos outros trinta e un traballos presentados.
O xurado estimou que Corpo é un excelente poemario, denso por variado ―tocata e fuga―, que se compón de diversas suites que se completan ou se enfrontan ou se escisionan (eses parénteses e claudátores). O autor constrúe este Corpo medrado con poder de convicción, tanto que convenceu unanimemente aos cinco membros do xurado. Ponderado, pousado, serán versos para quedar, no tempo que nos acolla, cando menos neste libro admirable.

Ler máis

Entrevista: Armand Mattelart

Armand Mattelart (1936) está convencido de que hoxe en día a tecnoloxía vai moito máis rápido que os cidadáns que buscan coñecer o que ocorre. Nos anos setenta deu a badalada con «Para ler ao pato Donald», onde desenmascara o imperialismo do personaxe de Disney. En rigor, canda o seu colega Dorfman, estudou a visión imperialista da industria cultural fronte aos países subdesenvolvidos. En Santiago de Compostela, onde vén de recibir a medalla de ouro da USC, o teórico belga da comunicación denuncia que cada vez quedan menos espazos onde confrontar ideas. E, respecto das novas tecnoloxías, advirte que, sendo ás veces elementos que favorecen actuacións solidarias, hai nelas “novas formas de tensión e dominación”.

Ler máis

SUMARIO TEMPOS NOVOS

No mes de febreiro TEMPOS NOVOS quere profundar no estado do sistema público de pensións e, máis que no estado actual, no proceso no que se viu inmerso nos últimos anos e que fai que hoxe podamos falar dun derribo programado. A análise a completan as opinións de Pablo González Sío, secretario confederal de negociación colectiva da CIG, Maica Bouza Seoane, secretaria de emprego e previsión social de CCOO, e Xosé Antonio Gómez, secretario xeral da UGT en Galicia.

A revista, coma sempre, ofrece moitos máis temas de interese, como unha reflexión sobre a necesidade dun pacto pola língua, que inclúe unha carta aberta ao presidente da RAG, Víctor Freixanes, ou unha análise das claves e perspectivas do Novo Cinema Galego. Todo isto sen esquecer a sección literaria Protexta, as páxinas de Cultura coas súas críticas de cine, arte, música e banda deseñada ou as páxinas dicadas á refexión e o pensamento, entre outros moitos contidos que nos han de acompañar ao longo deste mes nunha lectura profunda e pausada.

Ler máis

Entrevista: José Antonio Pérez Tapias

Verso solto no PSOE, ma non troppo, pois como candidato de Izquierda Socialista conseguiu no 2014 o 15% dos votos nun congreso extraordinario do partido tendo en fronte a Pedro Sánchez e a Eduardo Madina. José Antonio Pérez Tapias, nas antípodas de Susana Díaz, rexeita por “dogmática” a afirmación da “indisoluble unidade de España”. Na entrevista concedida a TEMPOS Novos, sostén que o Estado das Autonomías de 1978 está esgotado. Propón un proceso constituínte, retomar a idea de referendo legal para Catalunya e o impulso dun Estado plurinacional, con pleno recoñecemento das nacións do Estado, nomeadamente Catalunya, Euskadi e Galicia. “Necesitamos resolver a cuestión das nacións”, conclúe o díscolo e reflexivo militante socialista.

Ler máis

A fábula do lobo

As dereitas poñen o berro nos escenarios televisivos: tal como se puxeron as cousas, no 2030 será imposible que o Estado poida seguir pagando as pensións….

Ler máis

Atrapados

O que se deu en chamar a Internet das cousas (IoT, as súas siglas en inglés) conforma un novo escenario no que todas e cada unha das persoas que dispoñemos…

Ler máis

Antes podre que rota

O aristócrata Méndez de Vigo, ministro de España e conseller okupa da intervida Generalitat, vén de poñerlle aires de jota ao 155. Nun santiamén,…

Ler máis

Arma de dobre fío

O tantas veces temido choque de comboios –coa DUI proclamada no Parlament e co 155 CE aprobado nun arrebato de aplausos polo Senado, por unha banda–,…

Ler máis
Algúns dereitos reservados - Tempos Dixital 2011